ವೇದನೆ

ಚುಚ್ಚಿ ಚುಚ್ಚಿ ಮಾತನಾಡಿ

ನಿತ್ಯ ಕೊಲ್ಲುವರು ನನ್ನ

ಗಂಡನ ಸಿಟ್ಟು

ಮಾವನ ತಾತ್ಸಾರ

ಅತ್ತೆಯ ಕಾಟ

ಸೇರುತ್ತಿಲ್ಲ ಊಟ

ಮಾತು ಮಾತಿಗೆ

ತವರು ಮನೆಗೆ ಬೈಗುಳ

ದಿನಬೆಳಗಾದರೆ ಮನೆಯಲ್ಲಿ ಜಗಳ

ಅಪ್ಪನ ಪ್ರೀತಿ

ಅಮ್ಮನ ಮಮತೆ

ಈಗ ಮುಗಿದು ಹೋದ ಕಥೆ

ಎಲ್ಲರ ಮುಂದೆ ಹೇಳಿಕೊಂಡೆ

ಅವರ ಬಾಯಲ್ಲಿ ಬರಿ ವೇದಾಂತ

ಅದೇ..................

ಕೊಟ್ಟ ಹೆಣ್ಣು ಕುಲಕ್ಕೆ ಹೊರೆ

ಗಂಡ ಹೆಂಡಿರ ಜಗಳ ಉಂಡು ಮಲಗುವ ತನಕ

ಕೇಳಲು ಸುಲಭ

ಸಹಿಸಲು ...........................

ಆದರೂ ನುಂಗಲಾಗದೊಂದು ಮಾತು

"ಹೆಣ್ಣು ಸಂಸಾರದ ಕಣ್ಣು"